新聞敢批 2014-04-03
競選就是噏得就噏
主持: 黃子健
___
[文字版]競選就是噏得就噏
特首民望跌完又跌，三月底港大民調報告指，特首得分只有46.6分，比三月初再低0.9分。不過特首應該唔會將被張志剛炮轟調查方法偏頗嘅港大民調報告放在心上。但另一邊廂，中大亞太研究所都有報告指特首得分只有44.3分。睇嚟特首得分真係公道自在人心。
愚人節那天，特首走出嚟為港人港地解話，話港人港地只在樓市過熱時才使用，更指現時樓市已經不存在過熱情況，睇嚟特首都好習慣撒哈拉沙漠嘅溫度喎。
仲有人話競選政綱只是概念，當上特首後又因內部情況改變，即係競選時可以噏得就噏。不知道下屆特首參選人，會否考慮將變成超級英雄成為競選政綱?
撰文: 黃子健
