Gmaz已入行紋身五年，初時只為人畫圖供他們紋身，但又為何會進入紋身行業？她説「我本身都鍾意紋身又鍾意畫畫，不如學多一門手藝。」就這樣，Gmaz便拜師學藝，入行紋身界。「當初師傅話我啲圖唔適合做紋身，因為太多瑣碎同細節。但係我又擅長畫卡通圖，所以我當初用咗好多時間去研究點樣去紋同點去改良啲圖。」Gmaz説。
她説她慶幸家人比較開通，沒有阻止她走這條路，和入行那時社會風氣亦都比較開通，不然若果再早多個十年入行就會被人性別歧視，紋身路亦不會走得那麼順暢。
Gmaz説她最討厭和抗拒幫客紋上日期，因為她認為紋身不應有時間性和記載，加上你永遠不知道那個日期是甚麼。假若是一對情侶相識日，那他們日後分手後怎辦？但她卻在幾個月前破例了。
她收到一個女孩的信息，要求Gmaz畫一個抗爭的她，身邊圍繞黃色的花和一個日期。Gmaz不同意紋日期但也沒多過問日期的意義，直到那個女孩説那個日期是她的被捕日期。Gmaz最後紋了，她説那一次是她最專注而且最心痛的一次紋身。
Gmaz指聽過有個案，顧客紋完有關反修例的圖案後因為害怕違反國安法，被人算帳而找紋身師改圖，試圖改掉反修例圖案。Gmaz説到此時語氣開始變得激烈和憤怒。「紋身本應係藝術，每個人睇都會有唔同嘅意思，但點呢個政府要將香港嘅藝術都強行變成政治工具？令人心惶惶？甚至連紋身，顧客都要自我審查，連紋身都要怕被人算帳。」
她説很慶幸暫時沒有顧客找她改圖或後悔紋了反修例的圖，那表示她的顧客都有想清楚才去紋身。
「香港究竟變成點，或者之後會變成點我唔知，我只係知道現在嘅香港好悲哀。」Gmaz沉重的説。
攝影及採訪：黃浩謙
圖片編輯：黃玲燕
