主持：鍾溥敏
【文字版】
最近元朗反水貨客遊行，多處有人打鬥，與警員衝突，有人血流披面，初時只走幾罐奶粉，但現時越來越有組織，反水貨客聲音日大，政府怎可以視而不見？港府近排放風，有意收緊「一簽多行」，抑制水貨客活動，而剛剛大陸官媒《人民日報》亦有報導，指明要打擊水貨客，大家夾定口供，勢在必行。
收緊「一簽多行」，內地水貨客不容易來港，水貨客少咗，水貨活動都會減少。事實上，香港人向來懂把握商機，最終深圳水貨客有可能全部變成香港人水貨客。有報章話，過去四年深圳海關先後截獲職業水貨客三萬幾人，其中兩萬為香港人，而163宗因走私貨物被定罪的，港人更加佔八成。一旦內地水貨客絕迹，香港人好快取替。
一日走三至四趟益力多就可以穩袋一張金牛，收入不錯，而且工作時間彈性，自己做老闆，又可以幫助到同胞，幾好呀，這還不是絕世筍工！
歸根究底，來港搶貨除了做生意的水貨客，其實好多都是內地客自用，大家都明白的。但當他們發現買的都是國產貨時，不少人居然認為始終都係賣給外國人，質量始終有保證。除非香港全面封關，禁止內地客入境；又或是內地不再生產假冒劣質貨品。不過，以上兩個係非常大膽假設，機會率幾乎係零。
就算收緊「一簽多行」，但國內市場需求咁龐大，很難杜絕水貨活動，而香港人本身都愛搶，香港很難不發展水貨產業。同胞來消費，就是幫助推動香港經濟，反正都是做，新界居民何不做個無賴，自己水貨自己走，水貨不流別人田。
撰文：鍾溥敏
Related
