課本裡經常提到不少廣告的目的是change your habit(弊！諗起老套到爆的下一句there’s always a better way)。現時提倡改變習慣的廣告，幾乎都是苦口婆心地勸你why you should change。像戒煙療，條橋好想話你聽戒煙先至會有家庭幸福，老實講，絕大部分仔女都不喜歡老豆食煙，戒煙能夠獲得家人歡心，這是已知的回報。但是有幾多食開的老豆會為了這個回報的起心肝戒煙？還有單身寡佬的煙民呢？是否不符合戒煙的資格？
http://i156.photobucket.com/albums/t13/Quinn_Chan/nosmoke_zps628017b0.jpg
衛生署的戒煙廣告也走這條路線，戒了煙人會靚咗 ，健康咗？咁sorry喇，我煙癮太大唔想戒，最多做返幾次facial補數囉。最好笑係戒煙可以減保費，心諗你唔戒早啲死保險公司賠得仲多添！關鍵是我明知戒咗有著數，但是根本無迫切性去戒！下次要勸人戒煙，不妨諗下煙民的煙屎牙同陣煙味，如何引發不得不戒煙的念頭吧。
延伸觀賞：廣告入面個爸爸好似被個仔迫住就範，先勉強貼下戒煙貼，我懷疑佢實則晚晚都等個仔訓著，踢拖落樓下煲煙。
https://www.youtube.com/watch?v=w6r7jlU5MHE
