事件簿劉夢熊事件簿

劉夢熊稱有人報料「CY會整鑊杰嘢你嘆」

全國政協前委員劉夢熊作供時稱, 2013年1月2日,《文匯報》主筆區漢宗曾致電詢問他為何與特首梁振英的關係「搞到咁僵」,並解釋本欲邀請梁參與一個卡拉OK活動,惟梁拒絕並表示「劉夢熊對我批評不留情面,佢自己又有大問題,有佢喺度,我唔會出席」。劉夢熊稱對此感到五雷轟頂,「唔知自己有咩問題」,認為梁形容二人關係如「誓不兩立,不共戴天」。

劉夢熊稱被捕前曾於《東方日報》專欄及於多份報章受訪,批評當時剛上任的梁振英施政有問題,批梁不懂政治,城府太深,梁班子成員又用人唯親,沒邀請有能力之人入閣,更在被捕前一日接受《明報》訪問,揚言「CY唔用我,係佢嘅損失」。

2013年1月6日,劉夢熊收到《信報》前副總編輯袁耀清致電稱:「CY唔like你,會整鑊杰嘢你嘆,你要小心,夢熊大師!」劉直言不知會發生什麼事,兩日後即遭廉署拘捕。控方指特首辦曾回信予劉夢熊,否認政治謀殺的指控,劉反問:「否認就唔係?佢周不時都語言偽術啦,佢夠否認屋企有僭建啦,咪有十幾處僭建?」

劉夢熊又透露,梁振英於2011年與東方日報前主席馬澄坤見面前一日曾造訪壹傳媒,令馬一度拒絕支持梁陣營。中聯辦主任助理陳山玲得悉後致電劉夢熊大罵:「你點做參謀長?又話安排梁振英今晚見《東方》,點會噚日仲見《蘋果》?你知唔知《東方》同《蘋果》係死對頭?激嬲老馬,老馬點撐佢?叫CY返鄉下耕田啦!」後來經劉夢熊的周旋,梁振英仍獲得取得《東方日報》支持。