事件簿羅鷹石家族爭產風波

羅老太稱旭瑞被指涉貪 家人急澄清

鷹君創辦人羅鷹石遺孀羅杜莉君完成作供,法官陳嘉信着她不用再回來,但在完成時她突然要求補充,稱「嘉瑞(三子)返來無幾耐,踢走佢(羅旭瑞出董事局)、抹黑佢(羅旭瑞)貪污,在嘉瑞未返來香港時,佢(旭瑞)幫爸爸(羅鷹石)幫好多,在香港畫則,之後啲咁多,啲咁多,幫家庭賺唔少錢。」中午散庭後,庭外羅老太公關澄清羅嘉瑞未有指控過羅旭瑞貪污,但指過去曾經有抹黑羅旭瑞。羅旭瑞、羅嘉瑞、羅康瑞亦特意向傳媒澄清,羅旭瑞指「嘉瑞等人從來無講過我有貪污」。羅康瑞指「我哋係有意見不合,但無講佢(羅旭瑞)貪污,從來都無」。羅嘉瑞亦表示,「要澄清番,從來無話佢(羅旭瑞)貪污。」