大學校園小品文章

雜腩河加魚蛋

【生活文藝】【最佳小品文章獎】參賽作品

「唔該,雜腩河加魚蛋,凍檸茶呀。」

「三餸呀?」

「係呀!」

雜腩河加魚蛋
雜腩河加魚蛋

「喂!咁早呀?」

「哎呀!特登請假嚟睇你執㗎!啲嘢咁貴。我諗住坐到你收檔㗎。」

「咁講嘢嘅你!檯底啲嘢(罐裝可樂)你拎唔拎埋?」

「好呀!仲有咩唔要?」

「啲碗碗碟碟筷子呀,仲有你之前個電鑽,依家拎落嚟俾你。」

「喂!唔洗啦,咁依家咁多客。」

「唔好啦,我驚我唔記得。」

「點會呢!我記得咪得囉。」

眨一眨眼,老闆已經爬咗上去拎埋落嚟。

「咁你其他嘢點,洗唔洗借個倉俾你?」

「唔洗啦。」

「吓!我認真㗎喎,喺火炭,唔洗錢嘅。」

「咁遠?」

「唉!咁我屋企啦,陣間擺低條鎖匙俾你。」

「吓!唔好玩啦。」

「驚咩呀,我屋企又無人,又無錢。」

「咁我收完檔打俾你啦。」

「咁俾條匙你。」

「唔洗啦。」

//

「唔該,雜腩河加魚蛋,凍檸茶。」

「呀…… 四十六呀。再見!」

「再見…」

地方淺窄,一排排罐裝可樂只能放在台下
地方淺窄,一排排罐裝可樂只能放在台下